Home > Marathi News > “झोलझाल” चे जय वीरू

“झोलझाल” चे जय वीरू

Zoljhal

शोलेमधली जय-वीरूची मैत्री लवकरच मराठी पडद्यावर पहायला मिळणार आहे. अमोल कांगणे आणि ऋतुराज फडके युक्ती इंटरनॅशनलची निर्मिती असलेल्या झोलझालच्या निमित्ताने जय वीरूच्या भूमिकेतून आपल्याला भेटणार आहेत. हा चित्रपट १ मे रोजी प्रदर्शित होत आहे. मानस कुमार दास यांचे दिग्दर्शन असलेल्या या चित्रपटाचे टिझर पोस्टर नुकतेच सोशल मीडियावर प्रदर्शित करण्यात आले आहे.

चित्रपटामध्ये हास्य आणि विनोद याची छान पर्वणी पाहायला मिळणार हे टिझर पोस्टर पाहून लक्षात येत आहे. जय आणि वीरू च्या या छान जोडीचं मराठी  पडद्यावरच “झोलझाल” रूप पाहायला धम्माल येणार हे नक्की. “झोलझाल” मधल्या जय वीरू चं पडद्यावरील नातं जितक सुंदर पाहायला मिळतंय तितकच पडद्यामागेही त्यांनी धम्माल केली असावी असं पोस्टरच्या झलक मधे दिसून येतंय. “झोलझाल”चे जय वीरू, अमोल कांगणे आणि ऋतुराज फडके म्हणतात “ऑन स्क्रीन बंध तेव्हाच रंगत आणतात जेव्हा ऑफ स्क्रीन मैत्री तेवढीच जवळची आणि रंजक असते.” येत्या १ मे ला तुम्हाला पडद्यावर ती पाहायला मिळेलच. शूट दरम्यान आमची ओळख झाली. या चित्रपटाने आम्हाला मैत्री दिली. जय आणि वीरू या गाजलेल्या जोडीला पुन्हा नव्या रूपात सादर करण्याची संधी “झोलझाल”मुळे आम्हाला मिळाली. शूट दरम्यान आम्ही खूप धम्माल केली. सेटवर सगळ्यांसोबत खूप खोड्या देखील केल्या कदाचित त्याचमुळे हा चित्रपट करताना सर्वच कलाकारांना मज्जा आली आणि आम्हाला जय वीरू साकारताना मदत झाली. मनोरंजनाचा गुलदस्ता आणि विनोदचा हास्यकल्लोळ घेऊन लवकरच आम्ही जय वीरूच्या रूपात तुमच्या भेटीला येऊ.”

‘झोलझाल’ या चित्रपटाची निर्मिती गोपाळ अग्रवाल, आनंद गुप्ता आणि संजना जी. अग्रवाल  यांनी केली असून, सारिका ए. गुप्ता, विनय अग्रवाल हे चित्रपटाचे सहनिर्माते आहेत. तर रश्मी अग्रवाल, स्वप्नील गुप्ता यांनी क्रिएटिव्ह प्रोड्युसर काम पाहिले असून अमोल कांगणे, आर्णव शिरसाट सहयोगी निर्माता आहेत. या चित्रपटाचे कार्यकारी निर्माता शिवाजी डावखर असून मानस कुमार, संजीव सोनी आणि आनंद गुप्ता यांनी चित्रपटाची कथा, पटकथा आणि संवाद लिहिले आहे.
झोलझालच्या ऑफ स्क्रीन गमतीजमती ऑन स्क्रीन खूप सारी धम्माल घेऊन येणार आहेत. नक्की काय आहे हा झोल झाल पाहायला १ मे ला नक्की आपल्या जवळच्या चित्रपटगृहाला भेट द्या.

About justmarathi

Check Also

Hirkani

महिला दिनानिमित्त हिरकणी चित्रपटाचा वर्ल्ड टेलिव्हिजन प्रिमिअर सोनी मराठीवर !

  ८ मार्च, जागतिक महिला दिन! स्त्रीशक्तीचा जागर करण्याचा हा दिवस. या दिनाचे औचित्य साधून इतिहासातल्या एका रणरागिणीवर आधारित हिरकणी या चित्रपटाचा वर्ल्ड टेलिव्हिजन प्रिमिअर सोनी मराठी करणार आहे. आपल्या तान्ह्या बाळाच्या ओढीने व्याकुळलेल्या हिरकणीच्या शौर्याची ही गाथा. आपल्या बाळासाठी रायगडाचा अतिकठीण कडा उतरणारी हिरकणी ध्येयाने झपाटलेल्या स्त्रीशक्तीचं नेतृत्व करते. आज घर आणि करिअर सांभाळणारी प्रत्येक स्त्री या हिरकणीइतकीच सामर्थ्यवान आहे. आई, मुलगी, बहीण, पत्नी अशा कैक भूमिका साकारणारी  स्त्री ही स्वयंसिद्धा आहे, ‘ती’च्या असण्याने जग समृद्ध आहे. स्त्री ही आदिमाता आहे, जननी आहे. आज पुरुषांच्या खांद्याला खांदा लावून त्या स्वतःच्या पायावर उभ्या आहेत आणि सर्व क्षेत्रात नाव कमवतायत. चूल आणि मूल या चौकटीतून स्वतःला बाहेर काढून घराबरोबरच स्वतःची ओळख जपणारी स्त्री ही आजच्या काळातील खरी हिरकणी आहे. घरी भुकेलेल्या आपल्या तान्ह्या बाळासाठी हिरकणी आपल्या जिवाची पर्वा न करता रायगडाचा रौद्र कडा उतरली होती. आपल्या बाळासाठी हिरकणीने दाखवलेल्या या सामर्थ्याची दखल खुद्द छत्रपती शिवाजीमहाराजांनी घेतली आणि तिच्या शौर्याला सलाम म्हणून त्या कड्याच्या जागी बांधलेल्या बुरुजाला ‘हिरकणी बुरूज’ हे नाव दिले. इतिहासातल्या या घटनेवर आधारित चित्रपट हिरकणी. या चित्रपटात अभिनेत्री सोनाली कुलकर्णी हिने हिरकणीची भूमिका साकारली आहे, तर प्रसाद ओक आणि अमित खेडेकर हेही मुख्य भूमिकेत आहेत. प्रसाद ओक यांनी अभिनयाबरोबरच या चित्रपटाचे दिग्दर्शनही केले आहे. या चित्रपटाच्या निमित्ताने इतिहासातील ही कणखर आई प्रेक्षकांसमोर आली. सोनी मराठी वाहिनीने देखील आपल्या मालिकांमधून स्त्रीची कणखर बाजू दाखवण्याचा सतत प्रयत्न केला आहे. सोनी मराठी वाहिनी नेहमीच वेगळ्या धाटणीच्या मालिकांमधून स्त्रियांना मानवंदना देत असते. स्वराज्याची मुहूर्तमेढ रोवणाऱ्या जिजामाता असु दे किंवा स्त्री शिक्षणासाठी झटणाऱ्या सावित्रीबाई सोनी मराठी वाहिनीच्या मालिकांनी सतत स्त्री शक्तीला महत्व दिलं आहे. अशा स्त्रीशक्तीचा जागर आपणही करू या सोनी मराठीच्या साथीने. तेव्हा या स्त्रीसामर्थ्याचे मूर्तिमंत उदाहरण असणाऱ्या ‘हिरकणी’चा वर्ल्ड टेलिव्हिजन प्रिमिअर नक्की पाहा ‘महिला दिन विशेष’  ८ मार्च रोजी दु. १ वाजता आणि संध्या. ७ वाजता, फक्त सोनी मराठीवर.

Leave a Reply