मराठमोळ्या श्रेयशचे हिंदी मनोरंजनसृष्टी मध्ये पदार्पण

Shreyash Jadhav Chhod De Song Released:

Shreyash Jadhav Chhod De Song Released:
Shreyash Jadhav Chhod De Song Released:

महाराष्ट्रातील तारुण्य नवनवीन कलाक्षेत्रात यशाच्या उंच भराऱ्या घेत आहे. रॅपर, निर्माता, दिग्दर्शक, संगीत अशा मनोरंजनाच्या विविध माध्यमातून मराठी नवं तरुण श्रेयश जाधव आपल्याला आज वर पाहायला मिळाला. श्रेयश नेहमीच आपल्या नव-नवीन हिप हॉप सॉन्गने प्रेक्षकांची मने जिंकत आलाय. मराठी इंडस्ट्रीला श्रेयशने रॅपचा पायंडा घालून दिला. अतिशय वेगवेगळ्या विषयांवर श्रेयसने केलेले मराठी हिप हॉप, रॅप तसेच गाणी आज पर्यंत खूप गाजली आहेत. त्याचप्रमाणे ऑनलाईन-बिनलाईन, बस-स्टॉप, बघतोस काय मुजरा कर या चित्रपटांचाही तो निर्माता होता. त्यानंतर “मी पण सचिन” या मराठी चित्रपटातून श्रेयश दिग्दर्शक आणि लेखक या नव्या रूपात प्रेक्षकांच्या समोर आला. सामाजिक विषय असो किंवा मग इतर काही असो त्याने नेहमीच निरनिराळे विषय अतिशय सुबक रित्या प्रेक्षकांसमोर मांडले आहेत. श्रेयशचा आज पर्यंतचा प्रवास अगदी वाखाडण्याजोगा आहे. मराठी इंडस्ट्री मधून सुरुवात केलेल्या श्रेयश ने आता “छोड दे” उर्फ किंग जे. डी. या हिंदी रोमँटिक हिप हॉप अल्बम सॉन्गने हिंदी इंडस्ट्री मध्ये पदार्पण केले आहे.
“छोड दे” हे हिंदी हिप हॉप सॉन्ग दि किंग जे. डी आणि गणराज प्रोडकशन्स निर्मित असून बाली हे या हिप हॉप चे गीतकार आहेत तसेच श्रेयश जाधव उर्फ किंग जे. डी. हे गायक आहेत. दिग्दर्शन आणि नृत्यदिग्दर्शन सुजीत कुमार याने केले असून एखादी प्रेम कहाणी प्रस्तावा नंतर अगदी तिच्यासोबतच्या अनोख्या पद्धतीने केलेल्या लग्नापर्यंत कशी पूर्णत्वास जाते या आशयाला अनुसरून हे सॉन्ग आहे.
“छोड दे” या हिंदी रोमँटिक हिप हॉप अल्बम सॉन्गचं विशेष म्हणजे या आधी बऱ्याचशा चित्रपटांचे शूट परदेशी झाले आहे. परंतु पहिल्यांदाच महाराष्ट्राच्या मुलाने हिंदी मनोरंजनसृष्टी मध्ये पदार्पण करताना हिंदी अल्बमसाठी पहिलंवहील्या रॅप सॉन्गचं चित्रीकरण युरोपमधील अर्मेनिया देशात केल आहे. हिपहॉप सॉन्गच्या चित्रीकरणासाठी लागणाऱ्या लहानसहान गोष्टींचा अगदी पूरक स्वरूपात “छोड दे”च्या चित्रीकरणात समावेश केला आहे.
मराठमोळा श्रेयश जाधव या अप्रतिम हिप हॉप सॉन्ग विषयी सांगताना म्हणाला “माझी नाळ मराठीशी जोडलेली आहे. या आधी मी उत्तमोत्तम मराठी गाणी, रॅप्स, चित्रपट केले आहेत. ज्यांना प्रेक्षकांनी भरभरून प्रतिसाद दिला आहे. मला मराठी भाषे पूर्ती मर्यादित न राहता हिंदी मध्ये काही तरी उत्तमच घेऊन पदार्पण करायचं होत. “छोड दे” च्या शूटच्या ठिकाणापासून पासून ते अगदी शेवट लग्नाच्या विशिष्ट मांडणी पर्यंत मी छोड दे ला नाविन्यपूर्ण रूपात प्रेक्षकांसमोर आणण्याचा प्रयत्न केला आहे. मला सांगायला अत्यांनंद होतो कि प्रेक्षकांनी माझ्या या नव्या “छोड दे” ला हि भरगोस प्रतिसाद दिला आहे. असच प्रेम मला या ही पुढे माझ्या प्रेक्षकांकडून मिळत राहील अशी आशा आहे.”

About justmarathi

Check Also

Hirkani

महिला दिनानिमित्त हिरकणी चित्रपटाचा वर्ल्ड टेलिव्हिजन प्रिमिअर सोनी मराठीवर !

  ८ मार्च, जागतिक महिला दिन! स्त्रीशक्तीचा जागर करण्याचा हा दिवस. या दिनाचे औचित्य साधून इतिहासातल्या एका रणरागिणीवर आधारित हिरकणी या चित्रपटाचा वर्ल्ड टेलिव्हिजन प्रिमिअर सोनी मराठी करणार आहे. आपल्या तान्ह्या बाळाच्या ओढीने व्याकुळलेल्या हिरकणीच्या शौर्याची ही गाथा. आपल्या बाळासाठी रायगडाचा अतिकठीण कडा उतरणारी हिरकणी ध्येयाने झपाटलेल्या स्त्रीशक्तीचं नेतृत्व करते. आज घर आणि करिअर सांभाळणारी प्रत्येक स्त्री या हिरकणीइतकीच सामर्थ्यवान आहे. आई, मुलगी, बहीण, पत्नी अशा कैक भूमिका साकारणारी  स्त्री ही स्वयंसिद्धा आहे, ‘ती’च्या असण्याने जग समृद्ध आहे. स्त्री ही आदिमाता आहे, जननी आहे. आज पुरुषांच्या खांद्याला खांदा लावून त्या स्वतःच्या पायावर उभ्या आहेत आणि सर्व क्षेत्रात नाव कमवतायत. चूल आणि मूल या चौकटीतून स्वतःला बाहेर काढून घराबरोबरच स्वतःची ओळख जपणारी स्त्री ही आजच्या काळातील खरी हिरकणी आहे. घरी भुकेलेल्या आपल्या तान्ह्या बाळासाठी हिरकणी आपल्या जिवाची पर्वा न करता रायगडाचा रौद्र कडा उतरली होती. आपल्या बाळासाठी हिरकणीने दाखवलेल्या या सामर्थ्याची दखल खुद्द छत्रपती शिवाजीमहाराजांनी घेतली आणि तिच्या शौर्याला सलाम म्हणून त्या कड्याच्या जागी बांधलेल्या बुरुजाला ‘हिरकणी बुरूज’ हे नाव दिले. इतिहासातल्या या घटनेवर आधारित चित्रपट हिरकणी. या चित्रपटात अभिनेत्री सोनाली कुलकर्णी हिने हिरकणीची भूमिका साकारली आहे, तर प्रसाद ओक आणि अमित खेडेकर हेही मुख्य भूमिकेत आहेत. प्रसाद ओक यांनी अभिनयाबरोबरच या चित्रपटाचे दिग्दर्शनही केले आहे. या चित्रपटाच्या निमित्ताने इतिहासातील ही कणखर आई प्रेक्षकांसमोर आली. सोनी मराठी वाहिनीने देखील आपल्या मालिकांमधून स्त्रीची कणखर बाजू दाखवण्याचा सतत प्रयत्न केला आहे. सोनी मराठी वाहिनी नेहमीच वेगळ्या धाटणीच्या मालिकांमधून स्त्रियांना मानवंदना देत असते. स्वराज्याची मुहूर्तमेढ रोवणाऱ्या जिजामाता असु दे किंवा स्त्री शिक्षणासाठी झटणाऱ्या सावित्रीबाई सोनी मराठी वाहिनीच्या मालिकांनी सतत स्त्री शक्तीला महत्व दिलं आहे. अशा स्त्रीशक्तीचा जागर आपणही करू या सोनी मराठीच्या साथीने. तेव्हा या स्त्रीसामर्थ्याचे मूर्तिमंत उदाहरण असणाऱ्या ‘हिरकणी’चा वर्ल्ड टेलिव्हिजन प्रिमिअर नक्की पाहा ‘महिला दिन विशेष’  ८ मार्च रोजी दु. १ वाजता आणि संध्या. ७ वाजता, फक्त सोनी मराठीवर.

Leave a Reply