Home > Marathi News > सई ताम्हणकरने वृक्षारोपण करून साजरा केला आपला वाढदिवस !

सई ताम्हणकरने वृक्षारोपण करून साजरा केला आपला वाढदिवस !

Sai Tamankar Birthday
Sai Tamankar Birthday

सई ताम्हणकरचा वाढदिवस 25 जूनला असतो. यंदा सई वाढदिवसाच्या दिवशी आपला चित्रपट लव्ह सोनियाच्या प्रिमीयरसाठी लंडनला गेली होती. त्यामूळे तिच्या फॅन्सनी ती लंडनहून परतल्यावर तिच्यासोबत वाढदिवस साजरा केला.

सई आणि तिचा फॅनक्लब सईहोलिक्स दरवर्षी महाराष्ट्रातल्या एका गावात वृक्षारोपण करून वाढदिवस साजरा करतात. यंदा त्यांनी पूण्याजवळच्या उरळीकांचनमध्ये वृक्षारोपण करून वाढदिवस साजरा केला.

सईच्या सर्व चाहत्यांनी वृक्षारोपण झाल्यावर तिच्यासोबत केक कापून आणि तिला भेटवस्तू देऊन सईचा वाढदिवस साजरा केला. महाराष्ट्रभरातून सईचे 50हून जास्त चाहते वृक्षारोपण करण्यासाठी उरळीकांचनमध्ये एकत्र आले होते. विशेष म्हणजे, गिफ्टशॉपमधून सईसाठी भेटवस्तू न आणता प्रत्येकाने हॅंडमेड गिफ्ट्स सईला दिली. ज्यामूळे सई खूप भारावून गेली होती.

आपल्या भावना व्यक्त करताना सईचा फॅन अभिजीत मुरूडकर म्हणतो, “मी गेली दोन वर्ष सईहोलिक्सशी निगडीत आहे. आणि गेली 10 वर्ष सईचा फॅन आहे. जेव्हा मी वृक्षारोपणासाठी घरातून निघालो, तेव्हा माझ्या आईची प्रतिक्रिया खूप बोलकी होती. ती म्हणाली, आजपर्यंत हिरोईनच्या नादाला लागून लोक फुकट जातात असं ऐकलं होतं. पण माझ्या मुलावर तर चांगले संस्कार होताना मी पाहतेय. आम्हांला आमच्या घरच्यांकडून आणि मित्रमैत्रिणींकडून अशा उपक्रमांसाठी पाठिंबाच मिळतो.”

सईहोलिक्ससोबत वाढदिवस साजरा केल्यावर सई म्हणाली, “भेटवस्तू देऊन आणि केककटिंग करून तर सगळ्याच सेलेब्सचे चाहते वाढदिवस साजरा करतात. पण मला खूप अभिमान आहे की, माझे चाहते समाजोपयोगी उपक्रमातून माझा वाढदिवस साजरा करतात. आणि अभिजीतच्या आईच्या प्रतिक्रियेने तर मला हुरूप आला. माझी इच्छा आहे, माझ्या चाहत्यांनी असे उपक्रम वारंवार राबवावेत. माझा त्यांना नेहमीच पाठिंबा असेल.”

About justmarathi

Check Also

पवन कल्याण

तेलगू चित्रपटांचे महानायक श्री पवन कल्याण ऐतिहासिक दिल्ली दौऱ्यासाठी तयार!

तेलगू चित्रपटांचे महानायक श्री पवन कल्याण यांनी तेलगू चित्रपट सृष्टीमध्ये अभिनया बरोबरच अनेक स्तरांवर काम केले आहे. त्यांनी अनेक चित्रपटांचं दिग्दर्शन केले असून ते स्वतः निर्माते देखील आहेत. चित्रपटान बरोबरच त्यांनी त्यांची राजकीय कारकीर्द देखील सुरु केली असून जन सेना पार्टी नावाचा पक्ष देखील स्थापन केला आहे आणि ते आता दिल्ली दौऱ्यासाठी सज्ज झाले आहेत. श्री पवन कल्याण आपल्या चाहत्यांसाठी येत्या गुरुवारी देशाची राजधानी दिलीत दाखल होणार आहेत.400;”>गुरुवारी दिनांक २० फेब्रुवारी रोजे सकाळीच श्री पावन कल्याण हे दिल्लीत असणाऱ्या केंद्रीय सैनिक बोर्डाला भेट देणार असून एक करोड रुपयांचा निधी देणार  आहेत. गुरुवारी दुपार नंतर, श्री पवन कल्याण हे दिल्लीच्या भारतीय छात्र संसदेला हि भेट देणार असून तिथे ते मार्गदर्शन देखील करणार आहेत. विज्ञान भवन येथे हा कार्यक्रम होणार असून या तेलगूच्या महानायकवर एक शॉर्ट फिल्म देखील दाखवली जाणार असून त्या नंतर श्री पवन कल्याण हेय तरुण आणि भाव नेत्यांचं मार्गदर्शन देखील करणार आहेत. भारतीय छात्र संसदेला देशातील सर्वात मोठा शैक्षणिक वर्ग मानला जाते आणि तसेच अनेक भावी राजकीय नेत्यांचे ते एक छोटेसे जगच आहे. भाजपच्या खासदार सम्रीती इराणी व काँग्रेसचे खासदार ज्योतिरादित्य सिंधिया देखील या कार्यक्रमाला भेट देणार आहेत.

Leave a Reply