Home > Marathi Trends > उमेश कामतने उलगडले एक गुपित 

उमेश कामतने उलगडले एक गुपित 

उमेश कामत
उमेश कामत

मराठी चित्रपटसृष्टीतील ‘चॉकलेट बॉय’ असे बिरुद मिळवलेला उमेश कामत नेहमी सेटवर मजामस्ती करत असतो. सेटवर खेळीमेळीचे वातावरण तयार करणाऱ्या उमेशला त्याचे सहकलाकार ‘सेट ऑफ लाइफ’ म्हणतात. त्याचे कौतुक करताना त्याच्या विनोदबुद्धीचे कौतुक केले नाही तर काहीच नाही. अशा या उमेशचे एक गुपित आम्ही तुम्हाला सांगणार आहोत.

उमेश त्याच्या बायकोला म्हणजेच प्रियाला खूप त्रास देतो. हो खरंच. एम. एक्स. एक्सक्लुझिव्हची नुकतीच प्रदर्शित झालेली वेबसिरीज ‘आणि काय हवं’च्या सेटवर त्याची सहकलाकार आणि पत्नी असलेल्या प्रियाला वायफळ तरीही तितकीच गंमतीशीर बडबड करून उमेशने वैतागून सोडले होते. त्यांच्या या गंमतीमध्ये ‘आणि काय हवं’चे दिग्दर्शक वरुण नार्वेकरही सहभागी होते. उमेश आणि वरुण प्रियाला सतत सतवत असल्यामुळे प्रिया खूप चिडायची.
“प्रियाला अशा प्रकारचा त्रास देताना मला खूप मजा येते. मी सेटवरच्या बऱ्याच गोष्टींमध्ये जास्त सहभागी नसतो. मात्र प्रियाला त्रास देण्यात सर्वात पुढे असतो. ‘आणि काय हवं’च्या शूटिंगला मी प्रियाला खूप त्रास द्यायचो आणि यात आमचे दिग्दर्शक वरुण नार्वेकरही सहभागी व्हायचे. आम्ही दोघे मिळून प्रियाला अगदी  त्रस्त करून सोडायचो.” असे उमेश सांगतो.
प्रेक्षकांना उमेश आणि प्रियाला स्क्रीनवर पाहायला खूप आवडते. याचे कारण म्हणजे त्यांच्यात असणारे प्रेम. ते दोघे सोबत खूप सुंदर दिसतात आणि त्यांचे एकमेकांबद्दल असणारे प्रेम नेहमीच त्यांच्या डोळ्यांतून व्यक्त होत असते. हीच सुंदर जोडी तब्बल सात वर्षांनी ‘आणि काय हवं’च्या निमित्ताने पुन्हा प्रेक्षकांच्या भेटीला आली आहे. लग्नानंतरच्या पहिल्यांदा घडणाऱ्या सर्व गोष्टी म्हणजेच पहिला सण, पहिले भांडण, पहिले घर, पहिली गाडी आणि इतर अनेक गोष्टी हलक्याफुलक्या गोष्टीतून उलगडणार आहेत. तेव्हा एम. एक्स. प्लेयरवर पाहायला विसरू नका ‘आणि काय हवं’. अगदी मोफत.

About justmarathi

Check Also

Navri mile navryaala

नवरी मिळे नवऱ्याला’, ७ ऑक्टोबर पासून रात्री ८ वाजता, फक्त सोनी मराठीवर

यंदा पावसाळा महाराष्ट्रावर पुरता बरसला असला, तरी मराठवाडा मात्र तहानलेला आहे. दुष्काळग्रस्त मराठवाडा दुष्काळमुक्त करण्यासाठी प्रयत्न सुरू असतानाच मराठवाड्यात उद्भवली आहे एक नवी समस्या आणि ही समस्या आहे एका आईची.  लग्नाचं वय पार केलेल्या या आईच्या ४ मुलांसाठी काही केल्या मुलगी मिळत नाहीये.  सोनी मराठीवर सुरू होणाऱ्या नवरी मिळे नवऱ्याला या नव्या मालिकेतून ही समस्या प्रेक्षकांसमोर येणार आहे. आता तरी ठरलं पाहिजे, घर सुनांनी भरलं पाहिजे, एवढीच इच्छा असणाऱ्या या माउलीला मराठवाड्यातली परिस्थिती काही साथ देत नाही. एकीकडे नंदी बैलानं डोलावलेली नकारार्थी मान तर दुसरीकडे विवाह संस्थेकडून आलेला नकार, हे सगळं पचवून या वर्षी आपल्या मुलांची लग्नं करणारच, असा निश्चय तिनं केला आहे. सामाजिक समस्या विनोदी शैलीनं मांडण्यात हातखंडा असणारे दिग्दर्शक समीर पाटील या मालिकेचं दिग्दर्शन करणार आहेत. समीर पाटील यांनी मांडलेली या आईची व्यथा पाहताना धमाल येणार, हे नक्की. तेव्हा सूनबाई येती घरा, तोची दिवाळीदसरा अशी अवस्था झालेल्या या आईची सासूबाई होण्याची इच्छा कधीआणि कशी? पूर्ण होणार हे जाणून घेण्यासाठी पाहायला विसरू नका ‘नवरी मिळे नवऱ्याला’, ७ ऑक्टोबर पासून रात्री ८ वाजता, फक्त सोनी मराठीवर.

Leave a Reply